leygardagur, 20. februar 2021
H71 var á odda allan dystin og vann uppiborið, hóast tað stóð eitt sindur á ímóti endanum. Men ein klassabjarging frá Vár og eitt klassamál frá Duritu avgjørdu alt!
Faxe Kondi-steypafinalan: H71-Neistin 22-20 (12-9)
Longu frá fyrstu løtu sást á øllum brøgdum, at H71-kvinnurnar vóru klárar til dystin og fegin vildu vísa Neistanum, at skuldu tær bláu hava steypið, so var tað ikki nakað, tær bara soleiðis skuldu vænta sær at fáa.
Yvirvágin, ið helt sær allan dystin, varð grundløgd í verjuspælinum, ið allan dystin á tamb megnaði at skáka Neistan, óansæð hvat tær bláu royndu fyri at sleppa ígjøgnum hana.
Málini vóru kanska ikki so mong í tali, og munurin var millum tvey og trý mál fyri tað mesta, men hugflognum bilti einki í álopsspælinum hjá H71, ið veruliga helt verjuna hjá Neistanum heita allar 60 minuttirnar.
Og tá ið tað ímóti endanum leikaði eitt sindur meira á og tvær óskiljandi útvísingar í senn kundu havt órógvað illa, hildu H71-kvinnurnar høvdið kalt og megnaðu at brúka vit og skil til ikki at tveita sigurin burtur.
Vár Thomsen, ið varð kosin bestu spælari í finaluni, hevði hesa løtuna eina fantastiska brotskastsbjarging, ið var við til at halda Neistanum burturi. Og tá ið so Durita Toftum í seinasta minutti upp á ein ella annan ótrúligan máta skoraði av strikuni til 22-20, var sigurin vísur!
Annað árið á rað og aðru finaluna yvirhøvur, hava H71-kvinnurnar víst sínar bestu dygdir og vunnið steypið, ið sostatt eisini hetta komandi árið sleppur at prýða steypaskápið í Hoyvík. Hjartaliga tillukku!
Málskjúttar:
Maria Halsdóttir Weyhe 8
Marita Mortensen 5
Jana Mittún 3
Durita Toftum 2
Elisabeth Holm Simonsen 2
Lív Bentsdóttir Zachariasen 1
Christina Turiðardóttir 1
26. mars
15. februar
12. oktober
11. oktober
9. oktober
1. oktober
4. september
29. august
27. juni
Hondbóltsfelagið H71
Hoyvíkshøllin
Postsmoga 1067
FO-188 Hoyvík
Nevnd | ||||
Anna Dam | Forkvinna | 519082 | AnnahDam@iCloud.Com | |
René Dahl Olesen | 235930 | ReneDahlOlesen@gMail.Com | ||
Emy Sólvitsdóttir | 513769 | EmyS@Olivant.Fo | ||
Ann-Mari B. Mouritsen | 214452 | Ann-Mari@Olivant.Fo | ||
Símun Poulsen | 517220 | Simun@vh.Fo | ||
Eyðun Joensen | 792640 | EyJo@Taks.Fo | ||
Jóhan Lamhauge | 521975 | Lamhauge@HotMail.Com | ||
Alfred Jacobsen | 723700 | AlfredJacobsen@gMail.Com | ||
Beinta Fossadal | 288913 | BeintaFossadal@Hotmail.Com | ||
Ann-Mari B. Mouritsen | Heimasíða | 214452 | Ann-Mari@Olivant.Fo | |
Djóni Gaard Joensenn | Samskipari | 504488 | H71Umsiting@gMail.com |