Stórvegis munur var ikki á liðunum í fyrra hálvleiki, sum KÍF vann við tveimum málum. Og í seinna byrjaði at síggja heilt gott út hjá okkara monnum, sum komu á odda 20-19. Men tvær tættar útvísingar góvu KÍF møguleikan at koma afturíaftur, og kollfirðingar tóku av og fóru upp á 23-20.

Tað var tó ikki fyrr enn síðstu 10 minuttirnar, at H71 av álvara misti sambandi við KÍF, sum fekk nógv burtur úr síðstu løtuni, tá ið heimaliðið fekk sjey mál og H71 bara tvey.

Oddaliðið, VÍF, tapti við einum máli ímóti Neistanum, sum á Hálsi vann 30-29, og í hinum dystinum í dag vann Kyndil á Hálsi 24-16 á StÍF. Sostatt bendir nógv á, at Neistin og KÍF koma í FM-hálvfinalurnar saman við VÍF og H71, men enn hevur Team Klaksvík ikki útspælt sín møguleika, so tann spenningurin er til enn.

KÍF-H71 32-26 (18-16)

Málskjúttar: Peter Krogh 7, Leivur Mortensen 5, Niklas Højgaard Hanusson 4, Rúni Vest Højgaard 4, Hans Kári Hansen 2, Djóni Gaard Joensen 2, Hallur Biskopstø 1, Sveinur Olafsson 1