Okkara menn gjørdu sína skyldu og vunnu á Kyndli, tá ið seinasti dysturin í grundspælinum var á skránni. H71, sum var á odda allan vegin, vann dystin við seks málum, 27-21.

Longu undan hesum dysti var greitt, at H71 fór at enda sum nummar tvey, men av tí at KÍF samstundis vann á VÍF, gjørdist okkara endastøða í grundspælinum tann, at vit megnaðu at fáa VÍF aftur í stigum, so bæði liðini endaðu á 27 stigum.

Sigurin hjá KÍF í Vestmanna merkti somuleiðis, at tað verður ikki Neistin – sum tað leingi hevur sæð út til – ið verður okkara mótstøðulið, men KÍF. Ein góður endaspurtur hjá kollfirðingum, má sigast!

Sostatt møtast H71 og KÍF í øðrum hálvfinalulegginum og VÍF og Neistin í hinum.

H71-Kyndil 27-21 (14-9)

Málskjúttar: Djóni Gaard Joensen 5, Rúni Vest Højgaard 4, Bogi Hansen 3, Hallur Biskopstø 3, Pætur Thomsen 3, Baldur Gillason 2, Janus Dam Djurhuus 2, Leivur Mortensen 2, Hans Kári Hansen 1, Sveinur Olafsson 1, Tormóður P. Djurhuus 1