Tíverri hevur tann sannroynd, at einki tamarhald er á koronustøðuni, fingið ta keðiligu avleiðing fyri dystirnar, at teir skulu spælast uttan áskoðarar, men vit ivast ikki í, at kvinnulandsliðið fer at gera sítt besta fyri at vinna báðar dystirnar.

Her er nevniliga eitt sindur meira at spæla um, enn vit eru von við, tí í undankappingini til sjálva EM-undankappingina ræður um at verða best av teimum trimum londunum í okkara bólki, so koma Føroyar í sjálva EM-undankappingina.

Har bíðar sterkari mótstøða, tí vinnarin av okkara undanbólki skal í EM-undankappingini spæla í bólki við Danmark, Rumenia og Eysturríki. Vit ivast ikki, at allar – eisini okkara Annika, Maria og Marita – fara at kýta seg av øllum alvi, so tað skal eydnast at koma víðari frá undandystunum og til ta sterku avbjóðing, hesin bólkurin er.

EM-skráin á Hálsi um vikuskiftið:

Fríggjadagin 4. juni kl. 18.30 Føroyar-Finnland

Leygardagin 5. juni kl. 18.00 Finnland-Ísrael

Sunnudagin 6. juni kl. 16.00 Føroyar-Ísrael