Alt ferðalagið fór samlað úr Vágum í morgun, men síðani hevur ferðin víðari til Polands verið í tveimum. Fyrst fóru nøkur við einum flogfari til Gdansk og síðani víðari til Warszawa og síðani nøkur við einum flogfari beinleiðis til Warszawa.

Tey skulu gista í polska høvuðsstaðnum í nátt, áðrenn farið verður til Ukraina fyrrapartin í morgin, har dysturin verður spældur sunnudagin í Lviv, sum við sínum umleið 720.000 íbúgvum er størsti býurin har vesturi í Ukraina.

H71-kvinnurnar gista sostatt eina nátt í Ukraina, áðrenn tær fara á vøllin ímóti HC Galychanka Lviv sunnudagin á miðdegi, føroyska tíð. Eftir dystin verður farið aftur til Polands og hagani heim til Kjøpinhavn og síðani Føroya mánadagin.

Fyrra fjórðingsfinalan í EHF Europa Cup millum HC Galychanka Lviv og H71 kann síggjast sunnudagin klokkan 12 á Youtube-rásini hjá ukrainska felagnum: TRÝST HER.