Nú talan bæði er um A- og B-finalur, skulu spælast tilsamans 18 finalur, umframt at Eydnudeildin er á skránni sum tað fyrsta sunnudagin. Verður hug at, hvussu umboðanin er í finalunum, so er H71 við í heili 13 finalum – 10 steypafinalum og trimum B-finalum.

Hetta boðar frá góðum og ger tað ikki minni viðkomandi hjá H71-fjepparum at tryggja sær atgongd til teir ymsu dystirnar um vikuskiftið, tí byrjað verður longu fríggjakvøldið, og so verður spælt allan leygardagin og frá miðdegi og úteftir sunnudagin.

Mansfinalan leygardagin verður send í sjónvarpinum hjá Kringvarpinum og kann hoyrast á FM 1, og harumframt verða allar ungdómsfinalurnar stroymdar á Youtube-rásini hjá Hondbóltssambandi Føroya.

Vikuskiftið endar við Europa Cup

Sum pylsan í rosinuendanum verður so EHF Europa Cup-fjórðingsfinalan hjá kvinnunum ímóti ukrainska HC Galychanka Lviv, sum verður sunnukvøldið klokkan 20.

Fyrra hálvfinalan á útivølli varð sum kunnugt av ongum, tí uttanríkisráðið mælti fríggjakvøldið frá at ferðast til Ukraina, og hóast nógvar royndir at fáa dystin spældan í Warszawa, spurdist einki burturúr, og sunnudagin avlýsti og útsetti EHF dystin, hvørs lagna enn ikki er kend. Men heimadysturin skal tó spælast sum ætlað.

Orsakað av europeiska ævintýrinum hjá kvinnunum, er enn ikki greitt, hvussu verður við steypafinaluni, sum H71-kvinnurnar skulu spæla ímóti Kyndli, men hon verður í øllum førum ikki spæld nú um vikuskiftið. Fyribils hevur leygardagurin 19. mars verið nevndur, men enn er einki endaligt kunngjørt frá HSF um hann.

Skráin fyri vikuskiftið í ítróttarhøllini á Hálsi í Havn sær soleiðis út

Fríggjadagin 18. februar

18.30 Gentur 16: H71-Kyndil

20.00 Dreingir 16: StÍF-H71

Leygardagin 19. februar

09.00 Gentur 10B: H71 b-EB

09.40 Dreingir 10B: ÍA-H71 d

10.20 Gentur 12B: StÍF b-H71 b

11.15 Dreingir 12B: Tjaldur b-Kyndil a

12.10 Gentur 10A: H71 a-Neistin a

12.50 Dreingir 10A: StÍF a-Neistin a

13.30 Gentur 12A: StÍF a-Neistin a

14.20 Dreingir 12A: H71 a-Neistin a

16.30 Gentur 18 Neistin-H71

19.00 Menn: Neistin-H71

Sunnudagur 20. februar

12.50 Eydnudeildin

13.30 Gentur 14B: VÍF b-EB a

14.30 Dreingir 14B: ÍA-EB

15.30 Gentur 14A: VÍF a-H71 a

16.30 Dreingir 14A: Neistin a-H71 a

17.30 Dreingir 18 H71-VÍF

20.00 EHF Europa Cup: H71-HC Galychanka Lviv