Áðrenn leygardagin høvdu vit bestu kortini á hondin. Eins og Neistin høvdu vit 22 stig á kontuni men manglaðu at leika 2 dystir, meðan Neistin manglaði at leika 1 dyst.

Tó var ikki nóg mikið við 2 stigum, um Neistin vann sín dyst. Hetta tí at Neistin var betri í okkara innanhýsis dystum. Kravið var tískil tveir sigrar móti Tjaldur og Stíf.

Tíanverri vísti tað seg, at dagsformurin hjá Tjaldur var góður, og endin var at okkara a-lið tapti dystin 14-10. So var bara at bíða eftir dystinum millum Neistan og Tjaldur. Dysturin var spennandi, um enn Neistin hevði munin.

Móti endanum bleiv sera spennandi, og hevði Tjaldur møguleika fyri at javna í síðsta álopinum.

Soleiðis bleiv ikki, og endin varð, at Neistin vann við 1 máli, 9-8.

Harvið gjørdist Neistin FM-vinnari, H71 nr. 2 og Tjaldur nr. 3 í a-bólkinum hjá dr. 12.