H71 fer á triðja sinni at luttaka í heimsins størstu hondbóltskapping, Partille Cup.

Partille Cup verður spælt í Göteborg í døgunum 29. juni til 4. juli 2015.

Higartil hava nakað niðanfyri 100 leikarar boða frá, at tey vilja luttaka. Allir leikarar, sum ætla sær at luttaka, skulu í seinasta lagi tann 3. desember rinda kr. 500,- á konto í Suðuroyar Sparikassa 9870-427.166.2.

Teir leikarar, sum ynskja at ferðast við H71 við Atlantsflogi, skulu rinda kr. 200,- eyka, tvs. kr. 700,-.

Gevi gætur, at tilmeldingargjaldið á kr. 500,- fæst bert aftur, um so er, at einki lið verður í tínum aldursbólki.

Á foreldrafundinum fara vit at greiða nærri frá um kappingina og hvussu alt verður fyriskipað umframt, at vit fara at leggja tilrættis tey peningainnsavnandi tiltøkini.

Øll, sum vilja vera við at savna pengar inn til túrin, MUGU møta á fundinum hóskvøldið.