Klaksvíkingar eru at basa, men tað er á heimavølli, hugsi eg, at teir síggja sær kjansin fyri at kanna sær nøkur stig.

Og so eitt fríggjakvøld, tá menn ella dreingir annaðhvørt hava verið til arbeiðis ella í skúla. Kann blíva lumput.

Óansæð, ætlar tú tær í finalu, tá er hetta kosturin. Tvey stig eru eitt must, tí við einum sigri eru vit bert 2 stig eftir einum finaluplássi, enntá við einum dysti at spara.

Men so má liðið vera dystarklárt frá byrjan og blása Bogdan og Co av vøllinum, so teir ikki byrja líkasum at ána, at teir kanska hava ein møguleika.

Tað vil siga, at aðrir enn Marcher og Biskupstø mugu nú traðka í karakter. Nakrir eru blaðungir, so avmarkað er, í hvønn mun vit kunnu dúva upp á teir, men har eru aðrir, ið nú hava spælt nøkur ár, og sum mugu vísa, hvør dugur er í teimum.

Altso, taka ábyrgd í avgerandi løtum; og ert tú frammanfyri við 3 málum, íðan, tá slakkar tú ikki av og gerst sjálvfeitur, men Koyrir Á Maskinuna.

Vongspælið er ungt, og klárar seg tí so avgjørt til bestaðið. Serliga Djóni gjørdi ein vørr síðsta sunnudag, nú tá ið hansara partnari á vonginum fekk eitt herðindi av AIHTDSNS, vanliga kent sum Acute I Have To Do Something Now-Syndrome :)

Men har eru ov mikið av monnum, eisini málmonnum, ið hava general-genið, tað er bara at útliva tað; og hvat betur enn eitt fríggjakvøld, og so í Klax.

Túrurin norðureftir tekur ikki longri enn eitt innkeyp við konuni, so har er ríkiligt av tíð at fylla bilin við búskaparvaksandi brennievni, so koyrið avstað. Koyrið, vælsignaði!

Framtíðin er svørt, so kolasvørt!!!