Vinna vit, tá sleppa vit ivaleyst víðari í steypakappingini; og ivaleyst vinna vit eisini bólkin.

Tapa vit, tá verður trupult. Tá mugu vit dúva uppá onnur úrslit; uppá, at strandingar gera av við Kyndilsmenn.

Dysturin sunnudagin kl. 16 er tí rúgvaður av spenningi.

Fyrr hava vit so ofta spælt okkum av við bæði hálvfinalu- og finalupláss. Og av tí sama hava vit verið tvungin at finna okkum í eygleiðaraleiklutinum. Ein leiklutur, ið barasta ikki sampakkar við ynskið og ætlanina hjá H71, ið er at menna so breitt og væl, at hetta oftari enn ikki fer at føra til gull.

Okkara leikarir mugu gera sær greitt, at dysturin er ikki vunnin við bert at lata seg í svart, men at umboða svarta litin á vøllinum tvørturígjøgnum dystin. VIt hava fleiri leiðarar á liðnum, og tað er nú, at hesir skulu traðka í karakter. Ikki eftir dystin, ella mánadagin, men sunnudagin frá klokkan fýra til umleið klokkan hálvgum-seks.

Koyr á H71, koyr á H71!!!!!!!!!