mánadagur, 1. februar 2016
- HSF hevur 9 barna- og ungdómsfinalur; harav er H71 umboðað í 8 teirra.
Í ár eru vit í H71 væl fyri, serstakliga og framúr væl mannað í steypafinalum fyri børn og ungdóm.
Á dreingjasíðuni eru 5 finalur, á gentusíðuni 4 finalur. Hetta, tí tá vit koma til evru deildirnar í ungdómspartinum, tá er tað ikki heilt líkt í aldursbólka-býtinum, tí dreingir eru býttir í tvey, d16 og d18, meðan gentur fevna um tríggjar árgangir, g17, ið rúmar 15, 16 og 17 ára gamlar diddur.
Í fjør vóru vit í 7 út av 9 finalum, men við 8 liðum, tí d14-finalan var eitt óblandað Hoyvíksupplivilsi við bæði a- og b-liðnum í finaluni.
Fyri tveimum árum síðani, í 2014, hevði H71 5 lið í 9 finalum.
Í 2013 høvdu vit 4 lið í steypafinalunum. 4 av 9.
Árið fyri, 2012, gjørdu vit eitt frægari hál í og við at vit vóru umboðað í 6 av 9 finalum.
Og fyri fýra árum síðani, í 2011, tá høvdu vit 3 lið við í barnafinalunum; altso H71 umboðað í trimum av níggju barna- og ungdómsfinalum.
Í 2010 høvdu vit eisini 3 lið við í stórsligna barnafinalu-vikuskiftinum hjá HSF, har øll barna- og ungdómsliðini spæla sunnudagin eftir vaksnamannafinalurnar; øll uttan d18, sum spæla eftir harrafinaluna leygardag.
So frá at hava havt ein lítlan neva av liðum í hesum finalum á tí gula gólvinum í 2010, hevur H71 í dag, í 2016, næstan tveir nevar av liðum í finalunum.
Lat meg endurtaka: vit høvdu lið í trimum út av níggju finalum, nú hava vit lið í átta út av níggju finalum.
Bara g14 megnaðu akkurát ikki at koma við, men tær avrikaðu væl í hálvfinaluni, men blivu júst ov stuttar; og b-liðið hjá d10 kláraði næstan at basa VÍF, so vit aftur í ár fingu eina reina H71-finalu.
Vit kunnu av hesum staðfesta eina ávísa korrelatión millum tal av finaluliðum og heildarmenning av felagnum.
Fyri 6-7 árum síðani meintu vit í Hoyvík, at framtíðin er svørt. Vit kunnu nú konkludera, at framtíðin er so kolasvørt.
Steypafinalurnar í ungdómspartinum síggja soleiðis út:
Vestmenningar eru væl við í ungdóminum við 4 liðum; Kyndil hevur 3 lið, hvat er 1 ella 2 lið lakari enn vanligt, meðan StÍF hevur 1 lið við. Team Klaksvík fær kanska eitt lið við; hetta verður so í d12, men sum so merkir, at Neistin fer út tveimum niður í eitt lið.
Neistin er við í finalunum við tveimum ella einum liði (avgerð tikin nú hvørja løtu); men merkverdugt. Hetta er ikki so óvanligt, men tað ið er heilt óvanligt, er at Neistin ikki er umboðað á kvinnusíðuni. Einki gentulið. Neistin (!) Men gott at síggja, at dreingjasíðan so dánt er vaknað.
Vit í H71 ynskja øllum finalistum og H71arum annars góða eydnu um knappar tvær vikur.
Framtíðin er kolasvørt!
26. mars
15. februar
12. oktober
11. oktober
9. oktober
1. oktober
4. september
29. august
27. juni
Hondbóltsfelagið H71
Hoyvíkshøllin
Postsmoga 1067
FO-188 Hoyvík
Nevnd | ||||
Anna Dam | Forkvinna | 519082 | AnnahDam@iCloud.Com | |
René Dahl Olesen | 235930 | ReneDahlOlesen@gMail.Com | ||
Emy Sólvitsdóttir | 513769 | EmyS@Olivant.Fo | ||
Ann-Mari B. Mouritsen | 214452 | Ann-Mari@Olivant.Fo | ||
Símun Poulsen | 517220 | Simun@vh.Fo | ||
Eyðun Joensen | 792640 | EyJo@Taks.Fo | ||
Jóhan Lamhauge | 521975 | Lamhauge@HotMail.Com | ||
Alfred Jacobsen | 723700 | AlfredJacobsen@gMail.Com | ||
Beinta Fossadal | 288913 | BeintaFossadal@Hotmail.Com | ||
Ann-Mari B. Mouritsen | Heimasíða | 214452 | Ann-Mari@Olivant.Fo | |
Djóni Gaard Joensenn | Samskipari | 504488 | H71Umsiting@gMail.com |