Kollfirðingar vita, at hetta er seinasti metall-kjansur í árinum, og tí leggja tey nógv fyri har norðuri til tess at koma í finaluna leygardagin 13. februar.

Og leggja vit ikki líka nógv fyri, helst meira!, so verður trupult at vinna í annaðkvøld. Teir eru væl koyrandi, serliga Hans Eli Sigurbjørnsson, besti leikari í landinum beint nú. Spælir hann illa, so verður trupult hjá KÍF, men spælir hann eins og hann hevur gjørt í seinastuni, so verður trupult hjá okkum.

Tí er neyðugt at enda álopini væl og renna retur við eini ávísari øði. Eitt gott útgangsstøði í Kollafirði er ynskilgt, so vit hava ein møguleika í Hoyvík tríggjar dagar seinni, sunnudagin 7. februar.

Vit heita á øll, ung sum eldri, svørt og kolasvørt, um at møta tíðliga og væl hýrd í Høllini í Kollafirði.

Koyr á H71, koyr á Hoyvík!