Kvinnufinalan byrjar kl. 13:30, mansfinalan kl. 16:00.

Svarti fjepparaherurin møtist í Bovlinghøllini á Hálsi kl. 13:00, klokkan trettan sharp. Tá byrjar upphitingin.

Har verður spenningur, rómi og gisningar um dystargongd fyri allar pengarnar. Andlitsmáling verður sjálvandi eisini.

Vit hava keypt máling og penslar, og eftirhondini duga damurnar so væl at mála, at tað sleppa tær bara at halda á við:)

Vit fara at býta finalublusur frá Bónus út í Bovlinghøllini, so vit í uppaftur størri mun enn vanligt taka okkum út sum ein.

Harumframt, eitt black-delight at kalla, fáa vit mennirnar á vitjan undan finaludystin. Teir koma, leikarar, venjarar, fysioterapeutur, styrkisvenjari og liðleiðarar, allir oman í Bovlinghøllina at heilsa uppá. Góður stílur!

Eisini heita vit á allar H71arar at skaffa sær klapparar. Hesir verða eisini at fáa í Bovlinghøllini frá kl. 13:00.

Tað verður lív, tit, Big Time LÍV. Rammurnar eru har, Maskinan er har, so nú er bara at Koyra á Maskinuna!

Framtíðin er svørt, so kolasvørt!