20. mars 2016

Eitt legg aftur 5


Skrivað hevur: Agga Niclasen

H71 annað enn hondbóltur... einaferð

Hoyvík er hondbóltur, og hondbóltur er H71. 

 

Men, einaferð var H71 annað enn hondbóltur. Við sínum 45 árum á baki í ár er felagið ikki so gamalt, men søgan er rík, eisini í mun til tær dissiplinir, hoyvíkingar hava íðkað uppígjøgnum tíðina.

 

Fara vit í Dagblaðið frá 30. november 1977 síggja vit eitt innlegg nevnt "Borðtenniskapping um vikuskiftið - TBF vann tvær liðkappingar, meðan H71 vann tað (sic) triðju". Á myndini síggja vit ein smashandi Bárð Enni; Bárður, sum vit kenna frá Heilsufrøðisligu Starvsstovuni, tá hon enn æt tað.

 

Inni í sjálvari greinini lesa vit um Ellefsen-brøðurnir, Jógavn og Árni, sum vundu úr Gunnari Djurhuus og Mark Joensen við siffrunum 21- 6 og 21 - 6. Allir fýra úr H71. 

 

Har var eitt annað double-lið úr H71. Eingin minni enn SEV-stjórin og Andras Róin. Hesir taptu í spennandi 3-settara. Annars síggja vit, hvussu FRAM á sinni sílti seg út. Og tað var nettupp FRAM, sum í piltadeildini mátti lúta fyri 5 - 4 fyri H71.

 

Ídag, tó, er H71 bara hondbóltur. Og hesin sami hondbóltur fyllir eisini og ríkar gerandisdagin hjá øðrumhvørjum hoyvíkingi, so ella so. 

 

Hjá tær, ið gjarna vil dýpa seg í søgu felagsins, kann dokumentar-filmurin "Søgan hjá H71" viðmælast. Hann er knappan hálvan tíma. Ein filmur, Bjarnheðin í Hoyvík og Høgni Hoydal hava snikkað til.

 

Eftirfylgjandi er filmur um FM'ið frá 2012, ið kollfirðingar tann dagin í dag fáa útslett av at verða minntir á. Eisini viðmælisverdur sum appetittvekjari til FM-finalurnar í apríl.

 

Framtíðin er svørt, so kolasvørt!



Bústaður


Hondbóltsfelagið H71
Hoyvíkshøllin
Postsmoga 1067
FO-188 Hoyvík

Nevnd og ábyrgdarpersónar

 

  Nevnd      
  Anna Dam Forkvinna 519082 ad@lawfirm.fo
  René Dahl Olesen   235930 renedahlolesen@gmail.com
  Emy Sólvitsdóttir   513769 emys@olivant.fo
  Sonja Mørkøre   223663 sonjamorkore@gMail.com
  Ivan Fossabrúgv   239611 ifossabrugv@gMail.com
  Ann-Mari B. Mouritsen   214452 ann-mari@olivant.fo
  Símun Poulsen   517220 simun@vh.fo
  Eyðun Joensen   792640 eyjo@taks.fo
  Annika á Steig Egholm   581319 annikasteig@hotmail.com
         
  Ábyrgd av heimasíðu      
  Ann-Mari B. Mouritsen   214452 ann-mari@olivant.fo