Tað, sum serliga eyðkendi fundin, var, at tær báðar Sunneva Jakobsen, forkvinna, og Gunn Ellefsen, næstforkvinna, takkaðu fyri seg. Tað er aftan á, at tær ágrýtnar og eldhugaðar hava givið sítt stóra íkast til barna- og ungdómsarbeiði okkara í heili 10 ár.

Gunn er nú forkvinna í HSF, og vit ivast onga løtu í, at hon er ein fongur har. Og vit tilja ynskja henni blíðan byr í týdningarmikla arbeiðinum hjá HSF.

Petur Even Djurhuus segði á fundinum, at felagið var ment nógv undir teirra leiðslu og takkaði teimum fyri stóra og munagóða arbeiði, tær høvdu framt.

Eisini takkaðu Agga Niclasen og Randi Frederiksberg fyri seg. Stóra tøkk til tykkum bæði eisini fyri tykkara íkast til felagið.