Tú kanst lesa um tilmelding, limagjald og annað her.

Sjálv tilmeldingin fer fram við at trýsta á hesa leinkjuna.

Tilmeldingardagurin

Dagført 30. august kl. 22:15: Tilmeldingardagurin er fluttur frá 8. september til 10. september klokkan 17.

Allir leikarar og foreldur og avvarðandi at børnum, sum spæla við H71, eru vælkomin á fund.

Vit byrja við einari hugnaløtu.

Hvør familja verður biðin um at taka eitt fat av smurdum breyði ella líknandi við. Hetta verður sett á eitt felags borð til øll at fáa sær av.

Aftan á greiðir nevndin frá virksemi felagsins og um komandi kappingarár.

Ungdómsvenjarin hjá okkum, Mark Lausen-Marcher, kemur eisini at greiða frá, hvat dentur verður lagdur á í venjingini í vetur, og frá meginreglum í sambandi við liðuppbýtið.

Aftan á felags foreldrafundin verður stuttur fundur fyri hvønn árgang sær inni í skúlastovunum. Her fáa foreldrini høvi til, saman við venjarum, at skipa virksemið um hvønn einstakan árgang.

Men - gloym ikki at minnast til at melda teg til her.