Ein sigur til kvinnurnar og ein javnleikur til menninar. Tá bleiv úrtøkan fyri okkara viðkomandi av dagsins dystum í bestu deildunum báðum.

17-10 vunnu okkara kvinnur á StÍF aftan á at hava verið á odda heili 11-6 í hálvleikinum.
StÍF fekk sítt 3. mál í fyrra hálvleiki í 13. minutti. Og sostatt fingu tær onki mál í einar 17 minuttir.

Í seinna hálvleiki gekk betri hjá strandingum, tí hendan hálvleikin vann heimaliðið 7-6.

Dómaraseðil.

Støður og úrslit í Hvonn-deildini kanst tú síggja her.

Menninir mistu á stokkinum til javnleikin 26-26 aftan á 13-11 í hálvleikinum. Hesin dysturin, sum eisini var móti StÍF, var nakað javnari enn tann hjá kvinnunum. Tó so at vit um miðjan fyrra hálvleik vóru á odda heili 11-4. Men í endanum gekk betri hjá strandingunum, og bara seinastu 6 minuttirnar fingu teir 4 einsamøll mál. Seinni hálvleikur var enn javnari, og tað var í seinasta minuttinum, at StÍF fekk javnað til 26-26.

Dómaraseðil.

Støður og úrslit í FTZ-deildini kanst tú síggja her.

Dystarfrásagnir koma væntandi her á síðuna í morgin.

Vit hava funnið myndir av dómaraseðlunum á FB-bólkinum Hondbóltskjak. Tær hevur Elsa Maria Bærentsen avmyndað, og vit vóna, at tað er í lagi, at vit vísa tær her á heimasíðuni.