Faxe kondi steypakappingin byrjar í hesari vikuni, tá 4 lið í næst-bestu deildini skulu dystast um at koma víðari í steypakappingini og soleiðis spæla móti FTZ liðunum.
 
Fyrsta umfar er fríggjakvøldið tann 1. desember, tá okkara næst-besta mansliðið skal royna seg.

H71 2 skal í Hoyvíkshøllini klokkan 19:30 møta EB. Vinnarin av hesum dystinum skal spæla ímóti antin VÍF 2 ella Neistanum 2.
 
VÍF 2 og Neistin 2 spæla á Hálsi leygarkvøldið tann 2. desember klokkan 18:30.

Innan 10. desember skal vera avgjørt, hvør kemur víðari. Og tann 13. desember 2017 er lutakastið, sum ásetur, hvussu spælast skal víðari.