Hjá kvinnunum snúðu tað seg um at halda fast í Neistanum, ið lá á fjórða plássi. Við einum sigri var enn teoretiskur møguleiki at hótta hetta plássið, men Neistin var frammanfyri meginpartin av dystinum.

Leingi í fyrru hálvu lógu vit frammanfyri, og vit fingu nógv mál í skjótálopum. Eftir at Neistin legði eina mansverju á Mariu, tá steðgaði upp hjá okkum, bæði í uppspælinum og í álopinum. Hóast serliga Durita tók ábyrgd við nógvum málum, so eydnaðist tað Neistanum at steðga okkum í so ofta í álopinum, so at tær í seinna hálvleiki fingu bygt eina leiðslu, ið vit ongantíð veruliga megnaðu at hótta.

At enda endaði dysturin við 23-26 sigri til Neistan, og kvinnurnar vóru sum vera mann keddar um tapið. Ikki minst tí at vit vóru væl við í meginpartinum av dystinum og kundu við meira hepni fingið eitt betri úrslit.

Kvinnurnar hjá okkum skulu stríðast við Stjørnuna í Klaksvíksunnudagin 7. apríl. Hetta er ein umráðandi dystur um fimta plássið í kappingini, og eitt gott úrslit her hevði lagt væl afturat annars góðkenda kappingarárinumm.

Dómaraseðil