Sunnudagin verður endaliga avgjørt, hvørji lið skula spæla steypafinalurnar í Faxe Kondi kappingini hjá kvinnum og monnum.

Sunnudagin klokkan 14 skula kvinnurnar spæla seinnu hálvfinaluna móti VÍF.

Dysturin verður í Vestmanna klokkan 14.

Fyrri dysturin endaði við teprum sigri til VÍF, 26-25. Talan var um eitt brak av einum dysti, sum ikki varð avgjørdur fyrr enn í seinasta sekundi.

Sostatt er onki avgørt enn.

Hava okkara kvinnur ein góðan dag og vinna við meira enn einum máli, so er finaluplássið greitt.

Menninir skula spæla móti Kyndli klokkan 18 í Hoyvíkshøllini. Fyrra hálvfinalan bleiv eitt sindur av einum avsmurningi - 32-26 til Kyndil.

So her er uppgávan nakað tyngri. Men ikki ómøgulig.

Óansæð - so er brúk fyri øllum góðum kreftum, bæði á vøllinum, men so sanniliga eisini á áskoðaraplássunum.

Altso - sunnudagin 17. februar -

klokkan 14 í Vestmanna

og

klokkan 18 í Hoyvík