Hugaligt var hjá H71 at skipa fyri tiltakinum 80-ini umaftur! í vetur. Umframt at eftirspurningurin var stórur - útselt var - so vóru fólk so glað, so glað. Dansigólvið livdi alla náttina, og øll vóru so smílandi og væl nøgd.

“Eg havi ikki dansað so nógv síðani í 80-unum”, “ØLL vóru har”, “Hatta MUGU tit gera aftur!” eru afturmeldingarnar frá fólki.

Tískil gleðast vit um, at vit longu nú kunnu siga frá at: 80-ini umaftur! verða aftur í Hoyvíkshøllini leygarkvøldið 15. februar. Vit eru longu farin í holt við fyrireikingarnar og venda aftur við meiri kunning um stutta tíð.

Meeeen: Setið tykkum longu nú ein stóran, glaðan, 80-arakross í kalendaran 15. februar 2014 :)