Uppgávan í kvøld er greið: vinn dystin!

Vit taptu fyrru hálvfinaluna og vunnu ta seinnu. Av tí at tað eru stigini, sum telja - og bara stigini - so skula vit vinna hesa triðju hálvfinaluna.

Annars skula vit spæla um triðja pláss í kappingini. Og tað er ikki tað, sum vit vilja, rætt?

Dysturin verður í Hoyvíkshøllini í kvøld, mikukvøld 27. mars, klokkan 18:30.

Og ikki tær at siga, brúk er fyri allari hjálp! Leikararnir fara at gera sítt, og við sum áskoðarar skula stuðla alt tað, sum vit kunna.
Og fyri at kunna gera tað, so er alneyðugt at møta upp í Hoyvíkshøllini í kvøld.

Óansæð hvat, so verður uttan iva talan um eitt brak av einum dysti.

Upphiting til dystin verður í kantinuni í Hoyvíkshøllini klokkan 17.

Tú kanst lesa um 2019-kappingina í Okkara her á heimasíðuni hjá Hondbóltssambandinum.