Og síðsta finalan verður spæld klokkan 20:00 leygarkvøldið komandi, 27. apríl.

Ikki tær at siga, so er brúk fyri øllum kreftum í Hoyvíkahøllini hetta kvøldið.

Øllum kreftum, leikaranna eins og áskoðaranna.

Tað verður skipað fyri upphiting, andlitsmáling og øllum hasum har áðrenn dystin.

Vit byrja klokkan 18. Á skránni er felagshugni og andlitsmáling, og tað er eisini møguligt at keypa sær okkurt til matna (fiskur og suppa) eins og okkurt drekkandi.

So set nú alt annað óneyðugt til viks. Fá uppvaskið, dustsúgvingina, vikuliga kar-baðið og alt hatta har frá hondini í góðari tíð - og set so leygarkvøldið av til dystin í Hoyvíkshøllini.

Verður tað soleiðis, sum vit vænta og vóna, so skalt tú saman við leikarum og nógvum øðrum fjepparum í góðum lagi sleppa at hugna tær aftan á dystin ;)