Nú byrjar tað so smátt, kappingarárið 2013/14.

Sunnudagin vóru tveir venjingardystir spældir í Hoyvíkshøllini, báðir móti KÍF í ávíkavist AA-deildini og í 1. deild.

Onkrir leikarar eru ikki á okkara liði longur, men maður kemur í mans stað. Og sum skilst, so vóru allir okkara leikarar ikki í høllini í gjár.
Okkara lið hevur aftur nú fingið nakrar leikarar úr ungdómshópinum, heilt niður í 16 ára aldur. Og satt at siga, so smæddust teir ikki heilt burtur, slett ikki. Stuttligt at síggja stórsmíl á okkara ungu leikarum, tá eitt álop eydnaðist og mál bleiv gjørt- ikki sørt stoltir vóru teir. Mótstøðuliðið vóru jú vaksnir og royndir leikarar, faktiskt føroyameistarar frá í fjør, gloym ikki tað.

Og hjá kollfirðingum er eisini okkurt øðrvísi. Tað, mann legði best merki til, tað var, at Óla Kristian ikki var liðnum. So er spurningurin bara, um hann kann halda seg burtur... ;)

Alt í alt sat mann eftir við einari kenslu av, at okkara lið er ikki "fyri nothing". Og tað er jú ein góð kensla, ikki sannheit?

Sambært HSF, so byrjar AA-kappingin 22. september. Onkur dystur aftur at mann nokk at verða spældur, tað frætta vit um her á heimasíðuni so hvørt.