hósdagur, 11. mars 2021
Tað tók sína tíð at bíða í kvøld, men øll líðingin í 58 minuttir var tað verd, tá ið alt nú endaði so gott!
H71 kom á odda 1-0 í fyrsta minutti, men so var eisini alt sagt um H71-leiðslu í dystinum – altso, líka til heilt ímóti endanum, tá ið tað endiliga koppaði rætta vegin. Serstakliga stuttligt var at síggja, hvussu kaldar og avgjørdar okkara vóru, tá ið møguleikin umsíður var har!
Satt at siga kendist tað ikki sørt sum at stjala bomm frá børnum, tá ið H71 megnaði at strúka avstað við øllum í evstu løtu, eftir at Neistin ígjøgnum allan dystin við trimum, fýra og enntá fimm málum í leiðslu.
Fyrst legði Elsa H71 á odda 24-23, tá ið tveir minuttir vóru eftir, og so skjótt sum Neistin hevði javnað, skjeyt Maria okkum framum av nýggjum til 25-24. Nú ráddi um at spæla kortini skilagott, skuldi vendin í dystinum verða standandi.
Fantastiskur endaspurtur
Tá ið tað so eydnaðist at forpurra møguleikan hjá Neistanum at javna aftur, var “time-out” við tíðini 29:16 ein sera skilagóð loysn frá okkara venjaratoymi, og tað skuldi eisini vísa seg at betala seg aftur væl og virðiliga.
H71 varðveitti kyniskt bóltin á hondum hetta seinasta álopið, og tá ið bara 15 sekund vóru eftir, var tað Durita, sum frá strikuni slapp at seta punktum og enda dystin. Við tveimum málum á muni kundi sigurin ikki hóttast!
Frøin var stór og gleðin um minst at hava tryggjað sær annaðplássið sást skilliga á H71-kvinnunum, sum allar smíltust um alt fimmoyrað. Nú verður spennandi at síggja, hvat hendir í seinasta dystinum í grundspælinum, sum verður á heimavølli sunnudagin 28. mars.
H71-Neistin 26-25 (12-15)
Málskjúttar: Maria Halsdóttir Weyhe 7, Jana Mittún 6, Durita Toftum 4, Elsa Egholm 3, Brynhild Pálsdóttir 2, Eva Barba Arge 2, Christina Turiðardóttir Arge 1, Marita Mortensen 1
26. mars
15. februar
12. oktober
11. oktober
9. oktober
1. oktober
4. september
29. august
27. juni
Hondbóltsfelagið H71
Hoyvíkshøllin
Postsmoga 1067
FO-188 Hoyvík
Nevnd | ||||
Anna Dam | Forkvinna | 519082 | AnnahDam@iCloud.Com | |
René Dahl Olesen | 235930 | ReneDahlOlesen@gMail.Com | ||
Emy Sólvitsdóttir | 513769 | EmyS@Olivant.Fo | ||
Ann-Mari B. Mouritsen | 214452 | Ann-Mari@Olivant.Fo | ||
Símun Poulsen | 517220 | Simun@vh.Fo | ||
Eyðun Joensen | 792640 | EyJo@Taks.Fo | ||
Jóhan Lamhauge | 521975 | Lamhauge@HotMail.Com | ||
Alfred Jacobsen | 723700 | AlfredJacobsen@gMail.Com | ||
Beinta Fossadal | 288913 | BeintaFossadal@Hotmail.Com | ||
Ann-Mari B. Mouritsen | Heimasíða | 214452 | Ann-Mari@Olivant.Fo | |
Djóni Gaard Joensenn | Samskipari | 504488 | H71Umsiting@gMail.com |