mikudagur, 31. mars 2021
Eftir sigurin á Kyndli í seinasta dysti í grundspælinum, fingu H71-kvinnurnar handaðan platt sum tekin um, at tær eru deildarmeistarar hjá kvinnum.
Kvinnurnar høvdu ein góðan endaspurt, tá ið tær í kvøld í seinasta dystinum í grundspælinum megnaðu at vinna á Kyndli, sum annars tað mesta av kappingini hevur verið oddalið. Sostatt endaði H71 ovast á stigatalvuni eftir tey 18 umførini og kann prýða seg við heitinum deildarmeistari.
H71 vann við fýra málum, 27-24, og longu frá fyrsta bríksli sást, at hesin dysturin skuldi vinnast. Byrjanin segði 4-0, men Kyndil kom so líðandi meira við og var fyrst í seinna hálvleiki eina løtu á odda við einum máli.
Men so setti H71 meira ferð á og var fyri tað mesta eitt og tvey mál frammanfyri. Tá ið tað hevði hug til at standa eitt sindur á, vóru okkara málverjar góðir og tóku tað, ið takast skuldi. Ímóti endanum slitnaði millum liðini, so tað bleiv ein sannførandi heimasigur, tá ið avtornaði.
Við sigrinum yvirhálaðu okkara kvinnur Kyndil í seinastu tøkunum, tí hóast liðini bæði hava 29 stig, hevur H71 vunnið tveir av trimum dystum innanhýsis, so tí kundi liðið eftir dystin eisini taka ímóti platti, ið staðfestir, at H71 er deildarvinnari hjá kvinnum kappingarárið 2020/21.
Nú bíða so dystirnir í ovara endaspælinum, ið skulu spælast ímóti StÍF, og samlaði vinnarin kemur so í FM-finaluna, har mótstøðuliðið verður annaðhvørt Kyndil ella Neistin.
H71-Kyndil 27-23 (12-11)
Málskjúttar: Maria Halsdóttir Weyhe 6, Marita Mortensen 6, Jana Mittún 5, Elisabeth Holm Simonsen 3, Durita Toftum 2, Eva Barba Arge 2, Bjørk Brimnes 1, Christina Turiðardóttir Arge 1, Lív Bentsdóttir Zachariasen 1
Støðan |
Dystir |
Vunnin mál |
Tapt mál |
Munur |
Stig |
---|---|---|---|---|---|
H71 |
18 |
529 |
471 |
58 |
29 |
KYNDIL |
18 |
488 |
382 |
106 |
29 |
NEISTIN |
18 |
511 |
425 |
86 |
23 |
STÍF |
18 |
507 |
501 |
6 |
18 |
VÍF |
18 |
468 |
489 |
-21 |
12 |
VB |
18 |
421 |
546 |
-125 |
9 |
STJØRNAN |
18 |
452 |
562 |
-110 |
6 |
1. apríl
26. mars
15. februar
12. oktober
11. oktober
9. oktober
1. oktober
4. september
29. august
Hondbóltsfelagið H71
Hoyvíkshøllin
Postsmoga 1067
FO-188 Hoyvík
Nevnd | ||||
Anna Dam | Forkvinna | 519082 | AnnahDam@iCloud.Com | |
René Dahl Olesen | 235930 | ReneDahlOlesen@gMail.Com | ||
Emy Sólvitsdóttir | 513769 | EmyS@Olivant.Fo | ||
Ann-Mari B. Mouritsen | 214452 | Ann-Mari@Olivant.Fo | ||
Símun Poulsen | 517220 | Simun@vh.Fo | ||
Eyðun Joensen | 792640 | EyJo@Taks.Fo | ||
Jóhan Lamhauge | 521975 | Lamhauge@HotMail.Com | ||
Alfred Jacobsen | 723700 | AlfredJacobsen@gMail.Com | ||
Beinta Fossadal | 288913 | BeintaFossadal@Hotmail.Com | ||
Ann-Mari B. Mouritsen | Heimasíða | 214452 | Ann-Mari@Olivant.Fo | |
Djóni Gaard Joensenn | Samskipari | 504488 | H71Umsiting@gMail.com |