Mansliðini hjá H71 vóru longu í eldinum mikukvøldið, tá ið serliga dysturin í Kollafirði millum KÍF og H71 gjørdist ein av teimum, ið seint verður gloymdur. Bara 11 sekund vóru eftir, tá ið H71 við støðuni 26-26 fór í álop og megnaði at tryggja sær sigurin, tá ið Pætur Thomsen í allarseinasta sekundunum sendi bóltin í málið, so H71 vann 27-26!

H71 2, sum er komið við, so fýra lið eisini kunnu vera í niðara endaspælinum, var á útivølli ímóti Team Klaksvík, ið vann við tíggju málum, 34-24. Í veruleikanum eitt slett ikki so galið úrslit, tí í síðstuni hava klaksvíkingarnir ment seg nógv og kunnu hótta tey flestu av frægaru liðunum.

Allir dystirnir skulu avgerast, so stendur á jøvnum, verður fyrst umdystur tvær ferðir fimm minuttir, og stendur framvegis á jøvnum, verður dysturin avgjørdur við brotskastskapping. Vinna liðini hvør sín dyst, verður tann triðja hálvfinalan avgerandi fyri, hvør vinnur samanlagt og sleppur víðari.

KVINNUR

Leygardagin 3. apríl

13.00 VÍF-H71 2 (niðara hálvfinala 1)

17.30 H71-StÍF (FM-hálvfinala 1)

Mánadagin 5. apríl

16.00 H71 2-VÍF (niðara hálvfinala 2)

Týsdagin 6. apríl

18.00 StÍF-H71 (FM-hálvfinala 2)

Hósdagin 8. apríl

19.00 VÍF-H71 2 (møgulig niðara hálvfinala 3)

20.00 H71-StÍF (møgulig FM-hálvfinala 3)

MENN

Leygardagin 3. apríl

15.30 H71 2-Team Klaksvík (niðara hálvfinala 2)

20.00 H71-KÍF (FM-hálvfinala 2)

Týsdagin 6. apríl

18.00 Team Klaksvík-H71 2 (møgulig niðara hálvfinala 3)

Mikudagin 7. apríl

20.00 H71-KÍF (møgulig FM-hálvfinala 3)