3. apríl 2021

Menninir eru í FM-finaluni


Skrivað hevur: Hilmar Jan Hansen

Eisini seinni dysturin ímóti KÍF endaði við teprum sigri, og tí er H71 í FM-finaluni hjá monnum. Kvinnurnar taptu hinvegin sína fyrsti hálvfinalu ímóti StÍF.

Tað gjørdist ikki til eina endurtøku av endaspurtinum í dystinum í Kollafirði, men fyri tað var talan um enn ein sera javnan og spennandi dyst, har H71 síðstu seks minuttirnar fekk vent tapi til sigurs.

 

Hesaferð stóð enntá tap í hendi, tá ið seks minuttir vóru eftir, tí KÍF var á odda 21-19. Men við fýra málum á rað kom H71 framum 23-21 við minni enn einum minutti eftir at spæla, og hóast KÍF til endans fekk eitt mál aftrat, fluttist sigurin ikki.

 

Sostatt hevur H71 við tveimum teprum sigrum – fyrst 27-26 í Kollafirði og nú 23-22 – vunnið seg í FM-finaluna, har mótstøðuliðið verður annaðhvørt VÍF ella Neistin.

 

Burn: H71-KÍF 23-22 (10-10)

Málskjúttar: Djóni Gaard Joensen 8, Peter Krogh 3, Leivur Mortensen 3, Rúni Vest Højgaard 2, Sveinur Olafson 2, Pætur Thomsen 2, Baldur Gillason 1, Poul Símun í Garði 1, Bogi Hansen 1

 

BRENDU OV NÓGV

Verri gekst hjá kvinnunum, sum í kvøld spældu sína fyrstu hálvfinalu ímóti StÍF á heimavølli. Her fóru nógvir kjansir fyri skjeytið – bæði, tí StÍF-málverjin stóð væl, og tí skotini verri enn so altíð vóru tey bestu.

 

Men ikki eru allar súðir syftar, tí liðini hittast aftur á Skála týskvøldið, tá ið tað vónandi eydnast at vinna, so vit fáa eina altavgerandi finalu um FM-finaluplássið í Hoyvík hóskvøldið.

 

SMS: H71-StÍF 21-24 (9-11)

Málskjúttar: Jana Mittún 6, Maria Halsdóttir Weyhe 6, Marita Mortensen 5, Brynhild Pálsdóttir 2, Eva Barba Arge 1, Durita Toftum 1



Bústaður


Hondbóltsfelagið H71
Hoyvíkshøllin
Postsmoga 1067
FO-188 Hoyvík

Nevnd og ábyrgdarpersónar

 

  Nevnd      
  Anna Dam Forkvinna 519082 annadam@bvs.fo
  René Dahl Olesen   235930 renedahlolesen@gmail.com
  Emy Sólvitsdóttir   513769 emys@olivant.fo
  Sonja Mørkøre   223663 sonjamorkore@gMail.com
  Ivan Fossabrúgv   239611 ifossabrugv@gMail.com
  Ann-Mari B. Mouritsen   214452 ann-mari@olivant.fo
  Símun Poulsen   517220 simun@vh.fo
  Eyðun Joensen   792640 eyjo@taks.fo
  Annika á Steig Egholm   581319 annikasteig@hotmail.com
         
  Ábyrgd av heimasíðu      
  Ann-Mari B. Mouritsen   214452 ann-mari@olivant.fo