Við einum 28-26 sigri í Vestmanna í dag legði VÍF seg framum 2-1 í finalusigrum, so nú hevur H71 bara tveir møguleikar eftir, skal føroyameistaraheitið endurvinnast.

Í einum dysti, har liðini fylgdust mestsum allan vegin uppeftir, fekk VÍF nógv tann betra endaspurtin, og serliga illa stóð til hjá H71 seinastu tíggju minuttirnar, tá ið illa gekst at fáa bóltin inn.

Heilt galið bleiv tað ímóti endanum, tá ið persónligir feilir og hálvhjartað spæl uttan hugflog gjørdi tað lætt hjá vestmenningum at verja borg.

Tí er seinasti møguleikin hjá H71 at vinna dystin, ið skal spælast í Hoyvíkshøllini mikukvøldið klokkan 20. Vinnur VÍF, fer meistaraheitið til Vestmanna, men vinnur H71, verður fimta og seinasta finalan í Vestmanna um eina viku.

FM-finala 3: VÍF-H71 28-26 (15-17)

Málskjúttar: Peter Krogh 6, Pætur Thomsen 5, Janus Dam Djurhuus 4, Sveinur Olafsson 4, Ragnar Karlsson 3, Leivur Mortensen 3, Rúni Vest Højgaard 1