Skráin fyri stóra dagin er, at allir spælararnir møta á stóra parkeringsplássinum við Skúlan við Løgmannabreyt klokkan 10 leygarmorgunin.

Síðani verður gingið í skrúðgongu klokkan 10.30, tá ið marsjerað verður saman við Havnar Hornorkestri oman í skúlagarðin í Hoyvíkar skúla.

Í fimleikarhøllini verður felags morgunmatur, har røður verða hildnar og okkurt eisini verður til undirhalds fyri børnini.

Um kvøldið, klokkan 19, verður so veitsla í Hoyvíkshøllini, har borðreitt verður við trimum rættum, røðum og undirhaldi, og eftir borðhaldið fer bólkurin Chill at spæla til dans.