Hevur tú okkurt liggjandi, ið tú ikki longur brúkar, men sum onnur kunnu fáa gleði av, er upplagt at leiga sær eitt borð á loppumarknaðinum, sum H71 skipar fyri leygardagin.

Tað ber til at leiga sær eitt borð í Hoyvíkshøllini fyri 250 krónur, og tað kann gerast ómaksleyst við at rinda pengarnar á konto 9870-427.166.2 og viðmerkja navn og telefonnummar. Sum skilst, eru bara heilt fá borð eftir, so tað er at gera skjótt av!

Umframt loppumarknað, verður tombola og søla av ymiskum leskiligum, so sum vaflur, te, kaffi og annað.