Leygarkvøldið 20. november og sunnukvøldið 21. november – bæði kvøldini klokkan 18 – verða fyri fyrstu ferð nakrantíð spældir europeiskir dystir í Hoyvík, tá ið vit fáa vitjan úr Sveits.

Mótstøðuliðið hjá okkara kvinnum eitur Spono Eagles, er – akkurát sum H71 – stovnað í 1971, og hevur vunnið sveitsisku landskappingina fimm ferðir og steypakappingina fýra ferðir.

Leygardagin 20. november frá klokkan 16.30 verður skipað fyri upphiting, so øll eru til reiðar at taka á við okkara kvinnum.

H71 vann seg víðari til triðja umfar í EHF Europa Cup-kappingini við at vinda burtur úr norðurmakedonska WHC Cair við málmuninum +25 mál.

Gevið gætur, at kravt verður av øllum, sum koma inn til dystirnar, at tey vísa koronapass!