Við nakað av umsitingarligum snildi eydnaðist tað hjá avvarðandi myndugleikum at blanda kortini so mikið væl, at fyrsta leikumfar í Atlantic Airways- og Elektron-deildini kortini fer av bakkastokki eins og ætlað.
Í brævi til feløgini takkar HSF fyri góða uppmøting til dómaraskeiðið gjárakvøldið; eftir øllum at døma var uppmøtingin so góð, at fundurin mátti flytast úr ÍSF-húsinum niðan í kantinuna í Høllini á Nabb. Hygga síggj!

Óansæð. Tí sunnudagin, nú sunnudagin!, spæla okkara menn á Skála ímóti StÍf. Einum StÍF-liði, ið bukaði FM-vinnarnir frá í fjør í "vinardysti" herfyri. So tað verður ikki lætt, men tað plagar tað heldur ikki at vera.

Men vísa vit neyðuga arbeiðsviljan og eru nóg nærlagdir í okkara atsóknum og yvirhøvur fylgja ásettari spæliætlan, tá hava vit kjans at basa teir.

Í fjør endaði galið. Vit vóru á odda við 5 málum, sum 2. hálvleikur byrjaði. FIMM málum. Men tað eydnaðist okkum at spæla okkum út út dystinum við nettupp vantandi nærlagni, ella miðvísi. Menn fóru at spæla fyri seg sjálvan, og alt bleiv eitt sindur desperado.

Vit kunnu tí gera ein vørr í okkara fyrsta dysti í FM-kappingini 2013-14. Starturin plagar at vera heldur lagaligur hjá H71, so tað hevði verið gott, um vit broyttu hetta við nøkrum sigrum í byrjanini. Men teir hava tørv á teimum.
Strandingar hava sjálvir nøkur stjørnuskot, eitt nú Kjartan og Allan, og saman við Sveinur, sum væl er okkara mest kompletti leikari í FO, skulu teir nú vísa, hvør dugur er í teimum.

Dysturin er kl 16, og tað er nú sunnudagin.

Møtið fjølment og í góðari tíð!

Framtíðin er svørt, so kolasvørt!!!!!!!!!!!!!!!!!!

AN