H71-kvinnurnar, sum komu inn í kappingina í øðrum umfari, hava vunnið á báðum sínum mótstøðuliðum higartil, og tí verður spennandi at síggja, hvat triðja mótstøðuliðið verður, sum H71 skal møta í fjórða umfari.

Tey 16 liðini, sum eftir eru í kappingini, er býtt sundur í tveir bólkar, sum eru í hvør sínum potti. Tað vil siga, at av tí at H71 er í potti 2, kann liðið bara møta liðum, sum eru í potti 1. Tað gevur hesar møguleikar:
 

• Sokol Pisek (Tjekkia)

• Costa del Sol Malaga (Spania)

• Visitelche.com Bm Elche (Spania)

• SSV Brixen Südtirol (Italia)

• Cabooter HandbaL Venlo (Holland)

• ZRK Naisa Nis (Serbia)

• Kristianstad Handboll (Svøríki)

• Izmir BSB SK (Turkaland)

Sum sagt, er lutakastið í morgin klokkan 10. Tað ber til at fylgja við á YouTube-rásini hjá EHF, sum er at finna HER.

Dystirnir í áttandapartsfinalunum eru aftur ein heima- og ein útidystur, og spælt verður fyrst vikuskiftið 8./9. januar og síðani vikuskiftið 15./16. januar.

Higartil er eydnast at fáa mótstøðuliðini at koma higar at spæla dystirnar í EHF Europa Cup-kappingini, men ikki er greitt fyrr enn eftir lutakastið, um tað kanska enn einaferð fer at lata seg gera. Men vit vóna tað!