Mánadagin hittast vit í fimleikahøllini á skúlanum við Løgmannabreyt kl. 17:30 til U6 venjing.

Øll eru vælkomin, og tað verður aftur í ár Beinta Eidesgaard, sum saman við øðrum góðum hjálparfólki kemur at standa á odda fyri U6 venjingini.

Foreldur eru tó ein sera tíðandi partur av venjingini – serliga hjá teimum 3 til 4 ára gomlu, tí uttan teirra aktiva leiklut fáa børnini ikki so nógv burturúr.

Endamálið við venjingini er ikki so nógv at læra tey at spæla hondbólt men meira tað, at tey gerast von við at vera í einari høll, at fáast við ein bólt og at luttaka í skipaðum spæli, sum mennir teirra kropskenslu.

Børnini eiga at verða ílatin itróttarskógvar, stuttar buksur og at hava egnan bólt við.

Øll, sum venja við H71, fáa 20% í avsláttri, tá tey keypa bólt hjá Intersport í miðbýnum í Havn.

Tey, sum eru tilmeldaði og hava goldið limagjald, fáa eftir ætlan nýggju tilmeldingarblusuna útflyggjaða, tá tey koma til venjing.

Vit síggjast  :)