Dagurin byrjaði við sigri í svensku steypafinaluni, hóast Elias og IK Sävehof í dag “bert” fekk javnleiki 27-27 í dag ímóti Lugi, men vann samanlagt, tí fyrra finalan endaði 37-30 til Elias & Co. Sostatt gjørdist tað til greiðan samanlagdan sigur, 64-57.

Dysturin í dag var eitt sindur løgin hjá Eliasi, tí miðskeiðis í seinna hálvleiki fekk hann í einum sera hørðum dómi reyða kortið og mátti út, men kortini hevði hann tríggjar fjórðingar av dagsins finalu verið so góður, at hann kortini var kosin besti spælari.

Og nú í kvøld kom so enn ein heiður til høldar hjá Eliasi, tá ið hann varð kosin ársins ítróttarnavn 2021, tá ið ÍSF skipaði fyri stórum heiðurstiltaki á Hotel Hilton í Havn. Elias var av góðum grundum ikki til staðar, men fekk at vita um heiðurin herfyri, tá hann var heima. Upptøkan hjá sjónvarpinum kann síggjast HER.

Vit kunnu ikki siga annað enn tillukku, tillukku og tillukku, Elias!