Avtalan fevnir um eitt tvey ára skeið, ið er avbera kærkomið.

H71 takkar fyri stuðulin, tí uttan vælvild frá fyritøkum hevði verið ógjørligt at rikið eitt felag sum H71, sum er í støðugum vøksturi. Við stuðuli frá Tryggingarfelagið Føroyar ber tí til at vaksa um og betra tilboðið til børn og ung í Føroyum.

Maria á Dul, deildarstjóri í Tryggingarfelagnum Føroyum", grundgevir soleiðis:
"Vit eru fegin um at stuðla H71. Felagið er í vøkstri, og gera tey eitt sera gott barna- og ungdómsarbeiði. Hoyvíkin er tann parturin av Havnini, har flest barnafamiljur eru, og hevur H71 stóran týdning fyri børn og ung í Hoyvík.

Vit gleða okkum til at samstarva við H71 komandi 2 árini og ynskja teimum góða eydnu við kappingarárinum."

---
Á myndini: Maria á Dul, høgrumegin, saman við forkvinnu H71, Sunneva Jakobsen.