Tað hava tey, sum taka sær av heimasíðuni hjá Partille Cup, eisini lagt merki til, og tey hava gjørt eina lítla samrøðu við Boas.

Millum annað staðfesta tey, at H71-liðið, sum Boas spælir við, hevur staðið seg framúr væl, tí liðið hevur vunnið sínar fyrstu tríggjar dystir.

– Tað er stuttligt og gott at vera við til Partille Cup. Her er stuttligt at spæla, staðfestir Boas, ið samstundis er glaður fyri at spæla í “heimbýnum” hjá Eliasi, ið tó ikki er til staðar, tí hann er farin til Portugal við U20-landsliðnum, ið skal spæla EM-endaspæl har.

Boas minnir um Elias

Hann sigur við Partille Cup-heimasíðuna, at hann og stóribeiggin ikki er heilt ólíkir í spælistíli:

– Eg spæli sum hann, og okkara spælistílur er sera líkur. Sjálvur haldi eg meg vera ein ordiliga klókan spælarar, og eg havi eisini ment meg sjálvan í verjupartinum, sigur hann.

Liðið hjá H71, sum Boas spælir við, leggur dent á at vinna dystirnar og at skjóta nógv mál í hvørjum dysti, og Boas heldur, at teir gott vinna kappingina.

– Eg droymi um at gerast tann besti hondbóltsspælarin nakrantíð, sigur Boas, ið ynskir at røkka langt í hondbólti. Og hann hevur – við einum brosi – longu eitt dreymafelag í kikaranum, tá ið hann kemur so langt: – Barcelona!