Avtalan fevnir um tvey ár, og er hetta avbera gleðiligt fyri hondbóltin í Hoyvík.

Nevndin í H71 ásannar, at uttan privatan stuðul er ógjørligt at veita okkara limum eitt so gott og samansett tilboð, vit gera í dag.

H71 er ivaleyst mest vaksandi ítróttarfelagið í landinum við flest ungdómsliðum í hondbóltskappingini. Hetta krevur nógv av leiðslu og venjarum felagsins, samtíðis sum vit royna at betra venjingarumstøðurnar hjá hvørjum íðkandi og hartil skapa ein lokalan samleika og tilhald fyri hoyvíkingar, yngri sum eldri.

Suðuroyar Sparikassi sigur so um stuðulsavtaluna:
"Suðuroyar Sparikassi er fegin um avtaluna við H71. H71 er eitt felag í menning og við nýhugsan. Hetta eru øki, Suðuroyar Sparikassi eisini leggur stóran dent á."