Tilsamans er talan um 77 lið úr 29 londum, sum eru meldað til kappingina, harav tey 26 skulu spæla í fyrsta umfari og hini 51 koma við í øðrum umfari saman við teimum 13 vinnarunum úr fyrsta umfari.

Og har kunnu vit fegnast um, at H71 er vigað og funnið nóg tungt til at vera millum tey frægaru liðini, ið leypa fyrsta umfar um.

Í øðrum umfari er fyrri dysturin 29./30. oktober og seinni dysturin 5./6. november.

Lutakastið um, hvussu spælast skal í øðrum umfari í EHF Europa Cup-kappingini hjá monnum, tá ið H71 kemur inn í kappingini, verður á EHF-høvuðssætinum í Wien týsdagin 20. september.