30. oktober 2022

Vit eiga bulin á landsliðnum


Skrivað hevur: Hilmar Jan Hansen

Av teimum 16 spælarunum, sum landsliðsvenjararnir hjá kvinnum, Sonni Larsen og Finnur Hansson, hava tikið út til dystirnar ímóti Kosovo í næstu viku, eigur H71 teir sjey.

Føroysku hondbóltskvinnurnar skulu hósdagin og leygardagin í hesi komandi vikuni spæla tveir undandystir til HM-undankappingina ímóti Kosovo, og verða báðir dystirnir spældir niðri í Kosovo, tann fyrri hósdagin og tann seinni leygardagin, báðar dagar klokkan 18.30.

 

Sum fyrireiking hevur landsliðið spælt tveir dystir ímóti Íslandi um vikuskiftið, og hóast báðir endaðu við ósigrum, fyrst 23-28 og síðani 22-27, skilst á lagnum, at væl kom burturúr.

 

H71 eigur bulin á liðnum

Hugaligt er hjá okkum í H71 at kunna staðfesta, at vit eisini fáa rætt landsliðnum eina hond og sent fleiri spælarar avstað, tí ikki færri enn sjey av úttiknu spælarunum eru H71-arar.

 

Gamaní, spælir Annika Fríðheim Petersen nú við danska Nykøbing-Falster, men hon er ein av okkara. Hinar seks eru Elsa Egholm, Jana Mittún, Lív Bentsdóttir Zachariasen, Maria Halsdóttir Weyhe, Marita Mortensen og Vár Bentsdóttir Zachariasen.

 

Harumframt vóru fýra afturat tiknar út til fyrsta stóra hópin, ið varð tikin út, so her er nóg mikið at taka av. Tær vóru málverjin, Rúna Jógvansdóttir Larsen og útispælararnir Brynhild Pálsdóttir, Guðrið Bogadóttir á Borg og Sára Jacobsen.

 

Vit ynskja kvinnulandsliðnum góða ferð og bestu eydnu í dystunum ímóti Kosovo!



Bústaður


Hondbóltsfelagið H71
Hoyvíkshøllin
Postsmoga 1067
FO-188 Hoyvík

Nevnd og ábyrgdarpersónar

 

  Nevnd      
  Anna Dam Forkvinna 519082 AnnahDam@iCloud.Com
  René Dahl Olesen   235930 ReneDahlOlesen@gMail.Com
  Emy Sólvitsdóttir   513769 EmyS@Olivant.Fo
  Ann-Mari B. Mouritsen   214452 Ann-Mari@Olivant.Fo
  Símun Poulsen   517220 Simun@vh.Fo
  Eyðun Joensen   792640 EyJo@Taks.Fo
  Jóhan Lamhauge   521975 Lamhauge@HotMail.Com
  Alfred Jacobsen   723700 AlfredJacobsen@gMail.Com
           
  Ábyrgd av heimasíðu      
  Ann-Mari B. Mouritsen   214452 Ann-Mari@Olivant.Fo