Okkara elsta ungdómdómlið hevur havt eitt strævið men gott vikuskifti við tveimun dystum dag um dag.

Fríggjakvøldið var helst tað, ein kann rópa toppdystur í deildini. Vit tóku ímóti vestmenningum í Hoyvíkshøllini, og ikki kann sigast, at vit tóku so pent ímóti teimun.

Vit byrjaðu sera væl og løgdu okkum trygt á odda. Vit hildu ein hampuliga leiðslu, til umleið 10 minuttir vóru eftir av dystinum. Tá komu vestmenningar uppá 19-20, men so tóku okkara menn seg um reiggj og løgdu sjógv ímillum. Endaliga úrslitið varð ein væluppiborin sigur á 30- 26. Betra liðið vann í Hoyvík fríggjakvøldið.

Leygardagin høvdu vit aftur heimadyst – hesuferð móti Neistanum. Neistin byrjaði betur, og og okkara dreingir vóru óhepnir við skotunum. Vit komu afturum, men tá umleið 10 minuttir vóru farnir, høvdu vit hálað væl inn, og so var í roynd og veru ikki so nógv at gera hjá Neistanum.

Endaúrslitið var ein trivaligur sigur á 42-26 til H71. Alt í alt eitt gott vikuskifti, og nú eru vit oddalið í d 18 við 8 stigum fyri 4 dystir.

Fleiri myndir frá dystunum báðum er í myndasavninum.