Dreingir 10 A og B hjá okkum vóru komnir í semifinaluna, hvør í sínum bólki.

Tað leikaði hart á í bólkinum hjá A-liðnum, har málúrtøka kom at avgera, hvør slapp víðari. Dreingirnir á A-liðnum gjørdust eittans mál ov stuttir.

Í hinum bólkinum bardust dreingirnir á B-liðnum fyri lívinum. Teir vunnu seg víðari í semifinaluumfarið við einum sigri og einum tapi.

Í seinasta dystinum vunnu teir, ein tættan og gysara-kendan dyst, móti nógv sterkari StÍF a. Úrslitið varð 8 - 7 til okkara, og steypafinalan var tryggjað.

Tað, sum eyðkendi B-liðið mest hendan dagin, var samanspælið millum dreingirnar, eins og teir sýntust órørdir av støðuni. Eisini tók Brynjar nógvar avgerandi bóltar í málinum. Brynjar endaði við einari fantombjarging í síðstu sekundunum.

Myndin er av B-liðnum.