22. februar 2014

Javnur dystur, sum tó fór “skeivan” veg


Kyndil-H71: 27-25 (16-15)


Skrivað hevur: Jan Sørensen

Myndir: Álvur Haraldsen/IN.FO (frá dysti 2. feb.)

Nú skal nógv hepni til hjá okkum at koma í finaluna.

Bæði liðini sýndu kampvilja frá fyrsta bríksli væl vitandi, at tapandi liðið helst ikki megnar at koma í finaluna. Mesta ferðin í dystinum var í veruleikanum teir fyrstu 10 minuttirnar. Kyndil hevði hug at fara nøkur mál framum um miðjan hálvleik, men við steðgin stóð 16-15 til Kyndil.

Kyndil byrjaði betur í seinna hálvleiki, eftir bert 5 minuttum vóru teir 5 mál frammanfyri, 20-15. H71 megnaði tó spakuliga at eta leiðsluna burtur,og 5 min. fyri leiklok stóð á jøvnum 24-24. Tá kom ein støða, sum kundi vent dystinum, Kyndil fekk ein mann útvístan, og vit fingu brotskast. Tíverri tók málmaðurin kastið, og harvið høvdu vit í veruleikanum tapt. Dysturin kundi farið báðar vegir, men Kyndil vann. Dysturin endaði 27-25.

Dagsins verjumaður var Høgni Olafsson, sum aftur í dag var sera avgjørdur. Bogi og Rúni skutu hvør síni 5 mál. Bogi vísti eisini hondbóltskynstur á høgum støði.

Annars kunnu vit siga at, nú Bogdan sat uttanfyri tað mesta av dystinum, so mangla vit stórliga skjúttar, sum kunnu skjóta útifrá. Hetta er ein mangulvøra hjá H71, og ilt er at skilja, hví tað er soleiðis. Hetta ger samstundis, at vit mugu spæla skjótan og tekniskan hondbólt, nakað sum vit ikki altíð megna líka gott.

Við hesum úrslitinum kunnu vit siga, at tað skal nógv hepni til, um H71 skal koma í finaluna. Tað skal samstundis ganga óvanliga illa hjá VÍF ella KÍF. Men, enn er tað teknist ikki ógjørligt, tað eru 14 stig eftir at spæla um.



Bústaður


Hondbóltsfelagið H71
Hoyvíkshøllin
Postsmoga 1067
FO-188 Hoyvík

Nevnd og ábyrgdarpersónar

 

  Nevnd      
  Anna Dam Forkvinna 519082 ad@lawfirm.fo
  René Dahl Olesen   235930 renedahlolesen@gmail.com
  Emy Sólvitsdóttir   513769 emys@olivant.fo
  Sonja Mørkøre   223663 sonjamorkore@gMail.com
  Ivan Fossabrúgv   239611 ifossabrugv@gMail.com
  Ann-Mari B. Mouritsen   214452 ann-mari@olivant.fo
  Símun Poulsen   517220 simun@vh.fo
  Eyðun Joensen   792640 eyjo@taks.fo
  Annika á Steig Egholm   581319 annikasteig@hotmail.com
         
  Ábyrgd av heimasíðu      
  Ann-Mari B. Mouritsen   214452 ann-mari@olivant.fo