19. mars 2014

Gullkvøld í Vestmanna


Skrivað hevur: Agga Niclasen

Mikukvøldið 19. mars eru avgerandi landskappingardystir í ungdómsdeildini.

Fyrri dysturin er um silvurmedaljurnar í G12, og eru tað H71 og VÍF, ið fara at stríðast um hesar.

Hesin dystur er klokkan 18.30, tað verður ivaleyst talan um ein nervøsan dyst, hóast liðini eru serstakliga vælspælandi. VÍF-liðið er nokkso eyðkenniligt við tess mongu leikarum, ið kasta við vinstru hond--Gud viti, hvat tey gera har norðuri fyri at fáa hesa ørgrynnu av vinstrahentu leikarum. Enntá strikuleikarin er vinstrahentur, haldi eg meg ørminnast!

H71-liðið er bæði stríðsviljað og elegant. Onkuntíð, tó, hava tær líkasum ikki havt marginlaarnar við sær, men í seinastuni hava tær lært at verið meiri beinleiðis í teirri álopsspæli. Vónandi gevur hetta úrslit.

Aftaná G12 flyta vit upp í rekkjurnar. Tá eru tað H71 og VÍF, ið klokkan 19.30 hittast í sannari FM-orrustu. Vinnarin av nevndu liðum gerst føroyameistari. So sára simpult. Vit hava eitt óvanliga gott lið kryddað við mongum kvalitetum.
Flestallir spæla á menningarliðinum, sum kvalifiseraði seg í bólkaumfarið í Coca Cola-steypakappingini sum einasta ikki AA-lið. Har avrikaðu teir væl við hjálp frá einum veterani ella so. Eisini er sama menningarlið vinnari av síni deild, 1. deild.

Eisini á liðinum er spælskiparin á AA-liðnum, Jónas G. Djurhuus, sum saman við onkrum vestmenningi vælsaktans hevur verið besti debutantur í hesum kappingarári í bestudeild hjá mannfólki í føroyskum hondbólti.

Tó er nevnisvert, at vestmenningar hava heili 6 U20-leikarar við á D18-liðnum, og sum eisini leika við AA-liðnum. Tað verður trupult, men so avgjørt ikki ógjørligt, og tí er hvaðna meiri umráðandi, at okkara dreingir fáa neyðugan stuðul.

Vit trúgva uppá tykkum; koyrið á, H71!!!



Bústaður


Hondbóltsfelagið H71
Hoyvíkshøllin
Postsmoga 1067
FO-188 Hoyvík

Nevnd og ábyrgdarpersónar

 

  Nevnd      
  Anna Dam Forkvinna 519082 ad@lawfirm.fo
  René Dahl Olesen   235930 renedahlolesen@gmail.com
  Emy Sólvitsdóttir   513769 emys@olivant.fo
  Sonja Mørkøre   223663 sonjamorkore@gMail.com
  Ivan Fossabrúgv   239611 ifossabrugv@gMail.com
  Ann-Mari B. Mouritsen   214452 ann-mari@olivant.fo
  Símun Poulsen   517220 simun@vh.fo
  Eyðun Joensen   792640 eyjo@taks.fo
  Annika á Steig Egholm   581319 annikasteig@hotmail.com
         
  Ábyrgd av heimasíðu      
  Ann-Mari B. Mouritsen   214452 ann-mari@olivant.fo