Tað hevur longi verið tutlað í krókunum, fleiri halda seg hava hoyrt, onnur hava onki hoyrt - og so eru tað tey, sum vita. Nú er tað alment:

Hoyvíkshøllin skal gerast til fótbóltshøll.

Tað hevur longið verið á ynskilistanum hjá nógvum at fáa eina høll at spæla innandura fóltbólt í. Bæði fótbóltsfeløg og fyritøkur hava nevniliga í longri tíð skundað undir at fáa eina fótbóltshøll. Og tað verður nú veruleiki. Í Hoyvík.

Á afturlatnum býráðsfundi í síðstu viku bleiv avgjørt, at okkara kæra Hoyvíkshøll skal brúkast til endamálið.

Høllin er, sum er, alt ov lítil, men avgerð er tikin at strika ætlaðu byggistigini og ístaðin byggja høllina út og yvir móti MBM og nakað niðan eftir eisini.

Eftir ætlan skal nýggja fótbóltshøllin bara brúkast til innandura fóltbólt. Tað merkir so eisini, at hondbóltur, og harvið H71, ikki longur fer at hava innivist í Hoyvíkshøllini. So ikki í verandi líki og ikki í nærmastu framtíð.

Ein meiriluti í býráðnum heldur tó ikki hetta vera nakran trupulleika, tí tá ein stór hondbóltshøll nú fer at verða bygd í vesturbýnum, kann H71 so saktans fáa innivist har.

Eftir tí, sum vit skilja, so er tað júst hendan avgerðin, sum er orsøkin til ósemjuna í býráðnum millum Marin Katrinu Frýdal og Heðin Mortensen.

Nevndin hjá H71 er blivin kunnað um avgerðina. Forkvinnan, Sunneva Jakobsen, vil ikki gera nakrar viðmerkingar beint nú. Men nevndin í felagnum er kallað saman til kreppufund tíðliga seinnapartin í dag.

Vit frætta heilt vist meira um málið seinni.