Hóskvøldið 3. apríl klokkan 17:30 verður seinasta dysturin hetta kappingarárið hjá G10 spældur.  Og vinnarin av dystinum verður onki minni enn føroyameistari hjá gentum 10.

Dysturin er millum VÍFa og H71a.
Talan er um ein um-dyst, og tí verður hann spældur á "neutralum" vølli í Kollafirði við dómara, sum HSF setir.

At talan er um um-dyst kemur av tí, at liðini bæði sambært øllum reglum standa fullkomuliga á jøvnum.

Og tað merkir so eisini, at um hesin seinastio dysturin endar við javnleiki, so verður hildið fram, til ein vinnari er funnin.

Støðuna og úrslit hjá G10 kanst tú lesa her.

Tað er altso hóskvøldið 3. apríl. Klokkan 17:30. Í Kollafirði.

Hiðani fara vit bara at siga við okkara gentur: KOYRIÐ Á, GENTUR! KOYRIÐ Á!