Komandi vikuskiftið hevur okkara AA-lið frí, men tað merkir ikki, at allir okkara AA leikarar hava frí, og at ikki ber til at síggja hondbólt.

Leygardagin og sunnudagin er steypakapping hjá D18, og H71 hevur, sum einasta felag, tvey lið við. Okkara b-lið skal í eldin í Kollarfirði leygardagin klokkan 15:35, og okkara a-lið skal leika í Hoyvík sunnudagin móti Tjaldur klokkan 15:30 og ímóti Stíf klokkan 16:50.

Síðani HSF tók stigið til frálíka steypakappingarvikuskifti á Hálsi í februar mánað, hava fleiri av okkara D18 leikarum luttikið í finaluni hvørt ár, síðani teir vóru D12. Og sjálvandi vóna vit, at hetta endurtekur seg hetta kappingarárið.