Spælt verður í evarska lítla býnum Nea Kios nakað vestanfyri Athen.

Fríggjadagin kl. 18 spæla vit ímóti vertslandinum, og dagin eftir er tað Serbia, sum skal føroyska kraft og vilja. Eisini hesin dystur er kl. 18.

Til uppgávuna hava Kári Nielsen og Birgir Hansen, báðir fyrrverandi høvuðsvenjarir hjá H71, úttikið 15 leikarar, har H71 eigur ein knappan triðing.

Teir eru Tóraldur Kollsker, Pætur Thomsen, Helgi Hoydal og Tróndur Arge.

Ivaleyst kundi onkur annar, harímillum Jónas G. Djurhuus og Hilmar Leon Jakobsen, eisini verið við. Men fyrstnevndi er skaddur, og hevur verið tað síðani kappingarbyrjan, meðan hin kanska enn er dekan ungur.

Men við fýra H71arum er felagið tó væl umboðað, og vit ynskja teimum alt tað besta á meginlandinum.