Liðið skal búgva á Hotel Skálavík og skal spæla dystir og venja í nýggju høllini á Sandi.

Sunnudagin verða venjingardystir móti KÍF og Kyndli. Byrjað verður kl. 13.00.
 

Broytt lið

Liðið hjá H71 er nakað broytt frá undanfarna ári. Vit hava mist týðandi leikarar sum Hall Biskopstø, Boga Davidsen og Rúna Højgaard. Eisini málmaðurin Hanus Kristiansen er farin til Danmarkar. Í staðin hava vit fingið Jóhan Hofgaard aftur úr Norra. Petur Krogh er eisini nýggjur leikari á FTZ liðnum, og vit hava eisini fingið Jónas G. Djurhuus aftur í hópin, eftir at hann hevur verið skaddur eitt heilt ár við krossbandsskaða.

Onkrir nýggir ungir leikarar venja nú eisini við besta liðnum, og hvør veit, um vit ikki fara at síggja Boas Heinesen og Rasmus Rosendal fáa debut í ár.
 

Kappingin byrjar skjótt

Venjingarlegan er liður í fyrireikingunum til kappingin í sonevndu FTZ deildini, sum byrjar seinri í september. H71 spælir sín fyrsta dyst mikukvøldið tann 23. september kl. 20 móti Neistanum í høllini á Hálsi.
Hondbóltssambandið er byrjað at gera kappingarskránna, og í skrivandi løtu eru landskappingarnar hjá Hvonn-deildini (bestu kvinnulið) og FTZ-deildini klárar. Kappingaryvirlitið finnur tú her á Úrslitatænastuni.

---
Sandoyarportalurin hevur eisini grein um venjingarleguna hana kanst tú lesa her.




Myndina av sermerktu Ítróttarhøllini á Sandi hava vit lænt frá Sandoyarportalinum.